منتدى كبير وجميل
 
الرئيسيةس .و .جبحـثالتسجيلالمجموعاتدخول

شاطر | 
 

 الفرق بين مهند وشباب الخليج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دواك عندي
عضو جديد
عضو جديد
avatar

انثى عدد الرسائل : 11
مزاجي :
تاريخ التسجيل : 30/07/2008

مُساهمةموضوع: الفرق بين مهند وشباب الخليج   الأربعاء 30 يوليو 2008, 5:23 am

بسم الله الرحمن الرحيم


هلووووووووووووووووها


كيفكووووووون؟؟؟
ان شاءالله بخير<<<~~~دوم موب يوم
<<<<~~هذا موضوع بتتفقع مرارات الشباب منه >>>~~~ نهياهاهاي
في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع


- مهند -


يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :


( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )


- شباب الخليج -


يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :


( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )


.
.


- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )


- شباب الخليج -


مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :


( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )


.
.


- مهند -


مهند طالع مع نور السوق .. يشترون لهم هدوم .. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !


- شباب الخليج -


الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !


.
.


- مهند -


قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


- شباب الخليج -


قام من النوم نص الليل .. ما شاف زوجته يمه .. فتح الليتات .. قام يصارخ :


( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )


.
.


- مهند -


قاعد يقرا كتاب .. وفجاه ياته نور .. لابسه فستان يديد .. وصار هالحوار ..


نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..


- شباب الخليج -


قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :


الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!



.
.
.


طبعا الفروق لو بقعد من الصبح للحين .. ما بخلص ..
لان 180 درجه فرق .. ولكن شنسوي .. الله كاتب لنا ان نجابل شبابنا
ونحتسب الاجر عند الله ..


الله ياجركم يا بنات الخليج ..
صدقوني .. كله اجر وثواب ..


وش رايكم ؟؟<<<~~~بدت الحرب نيهاهاهاهاي

مسروق للحرب

((دواك عندي))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: الفرق بين مهند وشباب الخليج   الجمعة 01 أغسطس 2008, 9:37 pm


مشكوووووووووره على الموضوع الرائع
/
/
/
/
/
نريد المزيد؟
الرجوع الى أعلى الصفحة اذهب الى الأسفل
دحومي
عضو ذهبي
عضو ذهبي
avatar

ذكر عدد الرسائل : 1671
الإقامة : K S A
العمل/الترفيه : صفرالسباحه
مزاجي :
تاريخ التسجيل : 15/01/2010

مُساهمةموضوع: رد: الفرق بين مهند وشباب الخليج   السبت 30 يناير 2010, 6:14 pm

وش صار لكم شغلو عقلكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://games.maktoob.com/player514391
 
الفرق بين مهند وشباب الخليج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى دحَّوم :: الــمــنـتـد يــا ت الـعـا مـة :: المنتدى العام-
انتقل الى: